Data e postimit: 2014-10-17 15:57:44 Lexime: 23865

ESSE
“PAQJA NË BOTË”


Verë 2014, bregdet !
Jam zgjuar në orën 6 të mëngjesit dhe jam ulur në shezlonin përpara hotelit. Nuk ka asnjë lëvizje, asnjë zhurmë. Valët e detit ledhatojnë lehtë bregun dhe lëshojnë një melodi konstante që përzihet me muzikën e preferuar që del nga kasetofoni im. Dielli është duke dalë nga prapa malit dhe zgjon zogjtë që fillojnë të lëvizin si të përgjumur. Pamja është e mbrekullueshme. E gjithë natyra filloi të lëvizë lehtë e këndshëm me zhurmat e saj. Këto zhurma jo vetëm që nuk e prishën, por përkundrazi e shtoi kënaqësinë që më dhuruan këto caste. Nuk mund ta besosh që ai ai vend, ai breg, pikërisht në atë çast po të fal një qetësi dhe kënaqësi të tillë. Sepse është pikërisht ai vend që pas disa orësh do të mbushet plot me zhurmën e pushuesve.
Qetësi, lumturi, PAQE !
Pas pak del një grua me dy fëmijë të vegjël. Njëri prej tyre diçka bëri dhe ajo i bërtiti. Fëmija qau. Ajo e goditi në trup dhe përsëri i bëriti. Fëmija qau edhe më shumë.Unë e di se nëna e tij e donte prandaj i bërtiti dhe e goditi, por a ishte kjo mënyra më e mirë për të shprehur kujdesin dhe dashurinë e saj? Mjaftoi një çast, një lëvizje e vogël njerëzore dhe qetësia u çorr, kënaqesia u gërvisht, PAQJA u prish.
Dëgjoj ndonjëherë të rriturit për Shqipërinë e vitit 1997. Tmerr. Luftohej me armë të vërteta. Luftonte – nuk e dimë se kush dhe nuk e dimë se me cilin. Plumba të vërtetë hynin në trupa njrëzish dhe derdhnin për shkaqe absurde gjak të vërtetë. Merrnin jetë të vërteta, djem nënash, prindër femijësh, burre gra, jetë që nuk ktheheshin më kurrë. Nuk kishte armiq të vërtetë, por çdo njeri, edhe vëllai për një moment mund të ishte armik. Absurditet! Varreza të mbushura plot, spitale që punonin me tri turne duke hequr plumba nga trupa njerëzish, njerëzit që lëviznin të frikësuar duke parë se kush u afrohej. Duke parë orën dhe duke nxituar të ishin në shtëpi në kohën e ndalim- qarkullimit. Duke iu lutur Zotit që t‘u ruante fëmijët, t‘u ruante të dashurit, t‘u ruante shtëpinë, t‘u ruante pasurinë, por pa e diyur as vetë se nga kush.
Tmerr, frikë, LUFTË!
Kur dëgjoj dhe mendoj për atë periudhë, falenderoj Zotin që në atë kohë nuk kisha lindur akoma. Falenderoj Zotin që jetoj në këtë kohë, me problemet e saj, por në PAQE .
Shoh në televizor !
Në lajme dëgjoj një luftë diku, shkatërrime, shumë të vrarë, shumë të plagosur. Shoh rrënoja shtëpish, shkollash, rrugësh, urash. Shoh fytyra të shfytyruara njerëzish që kërkojnë PAQE, kërkojnë qetësi, kërkojnë dhe qajnë për jetën e tyre. Shoh njerëz me armë në duar. Fytyrat, trupat, i kanë të ngjashme me viktimat e tyre, janë edhe ata njerëz. Te dyja palët kanë një jetë për të jetuar, kanë familje, kanë fëmijë, kanë prindër dhe kanë zemër, mendje, shpirt! Mjafton vetëm një armë në dorë dhe zemra e tyre ngurtësohet, truri u mpihet dhe shpirti i tyre fluturon tutje!
Rrënim, gjak, VDEKJE!
Pse ?
Disa thonë se ka një arsye etnike, disa arsye fetare, disa për pasuritë ekonomike, si nafta, tregjet... Të gjitha janë arsye të pa arsyeshme për të derdhur gjakun njerëzor. Kam dëgjuar shpesh shprehjen : JETA ËSHTË LUFTË! Jam e bindur që nuk është në atë kuptim. Jeta ka sfida të cilat duhen përballuar, por gjithmonë duke përdorur arsyen dhe logjikën e ftohtë.
-Të gjitha problemet mund të diskutohen dhe nëse ekziston vullneti i mirë, një zgjidhje gjendet patjetëer -thote gjyshi im. Jo të gjitha zgjidhjet na pëlqejnë, por të paktën janë zgjidhje dhe problemi nuk është më problem.
Këtë ndoshta nuk e dinë ata që luftojnë, ata që derdhin gjak nëpër rrugë.
Unë e kujtoj shpesh atë mëngjes në bregdet, në verën e vitit 2014. Ishte vetëm një çast i shkurtër që të dhuronte një lumturi të madhe. Megjithëse jam e vogël, unë nuk do ta dëshiroja jetën ashtu, aq të qetë e ps lëvizje, por do ta dëshiroja po aq të lumtur. Këtë dëshirë kam edhe për gjithë botën. Jeta është shkurtër dhe të gjithë duan ta jetojnë me sa më shumë çaste të lumtura. Askush nuk do që PAQJA t’i prishet, qoftë edhe nga ”dashuria apo kujdesi i nje nene të rreptë”. Askujt nuk duhet t’i ndërpritet kënga e tij, puna e tij. Askujt nuk duhet t’i thyhet shpirti, nuk duhet t’i cënohen dëshirat, nuk duhet t’i thërmohen ëndrrat. Çdokush duhet ta jetojë i lirë jetën e tij, ashtu siç e mendon vetë ai, derisa nuk cënon jetët e të tjerëve.
DASHURIA – KUJDESI – IDETË – PARIMET duhet të ekzsitojnë për të na e bërë botën më të mirë, më të qetë, më të lumtur dhe jo më të përgjakshme. Kjo botë ka vend për të gjithë, atëherë le të jetojnë të gjithë nën këtë qiell dhe mbi këtë tokë të qetë e të lumtur. Nuk ka njeri në botë që nuk e dëshiron paqen, por shumë e vrasin atë. Nuk ka njeri në bote që nuk e dëshiron lumturinë dhe jetën, por e përgjakin atë.
Pse ?
Në shumë raste thonë se e bëjnë në emër të dashurisë dhe të paqes.
Absurditet !
Nuk mund të vendoset paqja me luftë, nuk mund të mbillet lumturia mbi gjak dhe kufoma, nuk mund të shtrohet qetësia si një qilim mbi klithma dhe vaje!
O BOTË!
Me zërin tim unë bërtas dhe kërkoj paqe për të gjithë! Si unë ka shumë zëra. Nëse këta zëra do të bashkohen, do të bëhet një ulurimë që do të shurdhojë veshët e atyre që shprehen se na duan dhe kujdesen për ne, prandaj na godasin. Prandaj na prishin lumturinë tonë, qetësinë tonë dhe PAQEN tonë!

Vepra te ngjashme

Shoqeria Autori: Melisa · Lloji: Ese pershkruese · Tema: Vlera e shoqerise Shoqeria eshte po thuajse gjeja me e vlefshe Ajo te perkrah,ajo te tregon,a jo te do, pra ruaje shoqerin tende sepse ne disa raste te duhet shum e ne disa raste te vie te largohesh nga ajo shoqeri Por eshte nje gabim total Duaje shoqerine tende deri n...	Udhetim Imagjinar ne Kohe 2 Autori: Dorina N. · Lloji: Ese pershkruese · Tema: Udhetim Imagjinar ne Kohe 2 Mbasdite vone dimri. Qielli gati ne te erresuar. Zhurma e eres degjohet ne dritaren e dhomes. Jam duke pire nje filxhan çaji te ngrohte dhe ne te njejten kohe po lexoj nje liber me aventura dhe fantazi te J.R.R. Tolkien. Me pelqen embelsia e Cajit te ngr...
Motra Autori: Anonim · Lloji: Ese pershkruese · Tema: Motra Dhe un si gjith te tjeret kam moter.Por une kam moter me nje lidhje te vecante lidhje zemre.Ajo eshte shoqja ime prej 2vitesh por une e quaj moter,sepse ajo me ka qendruar pran ne cdo moment ne cdo,ka qen afer meje e me ka fshi lotet me ka bere te qesh dh...	NENE Autori: Brinilda Nilda · Lloji: Ese pershkruese · Tema: NENA Kte e kam shkrujt per mamin tim dhe kte rast dua tua dedikoj te gjitha mamave shqiptare... Fjalet jane te pakta per te shkruar per qenien me te bukur te kesaj bote siç jane Nenat,ato te cilat na dhane jete nga jeta e tyre,ato te cilat jane si lule pra...
Kujtim me i bukur imi Autori: Ardita Jeliqi · Lloji: Ese pershkruese · Tema: Kujtim nga shkolla fillore Eskurzioni ishte nje dite e mrekullueshme,e paharruar ne jeten time.U nisem nga oborri i shkolles me dy autobuse ne ora 07:30.Shkuam neper disa vende te bukura te Kosoves si Prizren.Istog,Gjakove dhe Drenas.Kjo ishe nje ndjenje e paharruar sepse edhe pak ...	Shpresa Autori: Anonim · Lloji: Ese pershkruese · Tema: Ese per" Shpresen" Shpresa na mban gjalle. Ajo eshte gershetimi i te mirave ne kete jete. Po nuk pate shprese je asgje je nje njeri bosh qe iken vetem ku te te cojne kembet dukesh i pa orientua pa busull .Jeta ka te mira dhe te keqija, ajo eshte e mbushur plpt rreziqe me ...
Adem Jashari Autori: Orjeta Koca · Lloji: Ese pershkruese · Tema: atdheu Adem Jashari trim legjendar u be ball armiqve tan. Adem jashari trim lirie ball per ball luftoi me serbin. Luftove luftove kosoven ta liroje, dhe me ne fund arrite ate qe doje	Klasa ime Autori: Tedi Totojani · Lloji: Ese pershkruese · Tema: Klasa Vitin e kaluar shkova ne klase te gjashte. Nje kalim i rendesishem per jeten time; nga fillorja ne 9-vjecare. Do te me marre malli per shume gjera nga fillorja. Shoket ,mesueset dhe ngjarjet qe kami kaluar ate kohe jane te paharrueshme. Nj...
Seksi Autori: Pllum Pipeio · Lloji: Ese pershkruese · Tema: Rreth seksit Seksi eshte nje veper e njohur ne dashuri e cila ben fjale per marredhenien e nje cifti ose me shume per te kenaqur veten e tyre ose per te krijuar kolopuca te vegjel . Seksi perfaqeson dashurine e nje cifti qe qien per nje qellim ose thjesht per qef . Ka...	Ne Vlore per shpalljen e pavarsise se Sh... Autori: YourLiterary.com · Lloji: Ese pershkruese · Tema: Vlora qyteti i pavaresise Sot eshte data 28 nentor 1912,eshte nje dite e shenuar per te gjithe shqiptaret anembane,qe e kemi pritur vite e vite me radhe ,dhe dita e shumepritur erdhi por jo sicdo dite tjeter.Kur u zgjova ne mengjes me dukej sikur edhe dielli po bente drite me te...
Jeta Autori: bruna · Lloji: Ese pershkruese · Tema: Jeta Bruna Gjergo Jorgji 23.05.2011 · JETA,,,,,,,Jeta eshte si bicikleta, te rrezon atehere kur mendon se e ke mesuar!! Here e nget ti... here te nget ajo. Ka force te te drejtoje shpesh per ne rrugen e saj... dhe shpesh here te ben te pafuqishem... Te...	dashuria Autori: xhesi · Lloji: Ese pershkruese · Tema: cfare eshte per ju te qenit i/e dashuruar? Dashuria eshte ndjenja më universale,me e paster dhe me e sinqert ne bote; eshte lidhje shpirterore mes dy personave qe i falin jete njeri tjetrit. Cdo njeri dashuron duke perjetuar ndjenjen e dashuris ne nje apo ne te gjitha ndarjet e saj,si: dashuria ...
VERA Autori: Melekije Sinani · Lloji: Ese pershkruese · Tema: Stina e veres "VERA" Vera eshtë një nga stinet më të bukura dhe me ndryshymet e saja natyrore të pa përshkrueshme. Ditë e veres jan ditet me te bukura të nje viti sepse këto dit jan dit te lumtura ku e ndjejm lirinë në veten tone,freskin,gzimin dhe harmoni...	Adoleshenca Autori: Dajana Ndoj · Lloji: Ese pershkruese · Tema: adoleshenca Adoleshenca ështe ajo faze e jetës që çdo njeri në këtë moshë preket nga pasojat e saj. Të jesh një adoleshent do të thote të jesh si ajo lulja e sapo çelur e cila sado ti hedhësh ujë asnjëherë nuk ngopet. Adoleshenca shoqërohet me ...

Komentet e fundit!

---

---

---

---

---

---

---

---

---

---

---

---

---

---

---

---

Shto komentin tend per vepren e mesiperme!

Last name

Emri:

Email:

Komenti:

Pyetje sigurie

Sa eshte shuma e ketyre dy numrave: 1 + 2 =