YourLiterary.com | Shqip | Mobile version | Vepra

Home Posto vepren tende

Abonohu Projekte

Ese Tekste Poezi Hartime Pershkrime Fabula Tregime Te tjera

Data e postimit: 2013-04-15 19:34:14
Lexime: 10791

rracizmi

Like 1

Dislike 2

Autori: Amarildo Muci
Lloji: Ese argumentuese
Tema: A ka, dhe ku ka, racizëm ?
Shkolla: Qemal Bazelli
Klasa: klasa XII
Qyteti: Pogradec
E-mail: Email eshte i fshehur!

Shkrimtarja dhe aktivistja palestineze, Susan Abulhawa, këto ditë përmes një shkrimi, reagoi kundër njërit prej përfaqësuesve kryesorë të të ashtuquajturve Nouveaux Philosophes (Filozofëve të rinj) francezë, Bernard-Henri Lévy. Shkas për reagimin kishte qenë se Lévy, në një ese, kishte marrë shembull novelën e Abulhawas Mornings in Jenin (Mëngjeset në Jenin), si njërën nga shfaqjet e reja të antisemitizmit në kulturën evropiane. Sipas Lévyt, antisemitizmi në Evropë është në ngritje e sipër, kurse novela e Abulhawas, një tregim historik i ndodhur në qytetin Jenin në Bregun Perëndimor, përfaqësonte sipas Lévyt, “një përqendrim i klisheve antisemite e antiizraelite që maskohet si një vepër letrare”. Ajo që vuri re Abdulhawa në reagimin e saj, gjë që ishte pjesë përmbajtjesore edhe e esesë së Lévyt, ishte barazimi i antisemtizmit me kritikën kundër politikave izraelite. Kjo është, kuptohet, një taktikë e vjetër, e promovuar edhe nga neokonservatorët amerikanë proizraelit – se çfarëdo kritike ndaj Izraelit, sidomos politikave të tij në raport me popullatën e okupuar palestineze, ka për bazë antisemtizmin – urrejtjen tradicionale kundër përfaqësuesve të fesë hebraike. Mënyra më efikase që t’i neutralizosh kritikat e dikujt, është që të sugjerosh se ato bëhen nga motive raciste. Në këtë rast, antisemitizmin.
Një rast tjetër interesant i dy anëve të tjera të antisemitizmit u tregua gjatë një ligjërate të filozofit slloven Slavoj Žižek në Bibliotekën Publike të New Yorkut. Žižek tregoi për atë që i kishte ndodhur një miku të tij në New York menjëherë pas sulmeve të 11 shtatorit 2001. Pasi kishte marrë një taksi, shoferi i kishte folur atij se si sulmet e 11 shtatorit ishin një komplot jahudit. Si provë, taksisti kishte marrë faktin se në sulmet e 11 shtatorit, nuk kishte qenë vrarë asnjë jahudit. I indinjuar nga kjo shfaqje e antisemitizmit, miku i Žižekut kishte kërkuar nga shoferi që ta ndalte taksinë menjëherë, duke dalë nga makina në mënyrë protestuese. Pak më pas, kishte rastisur në sheshin Union Square, ku ishin tubuar disa pjesëtarë të një sekti jahudit ortodoks. Rabini që fliste aty, u drejtohej të tubuarve: “Në sulmet e 11 shtatorit nuk vdiq asnjë çifut! Kjo është shenjë e dërguar nga Zoti se ne jemi populli i zgjedhur!”.
Në një lojë të ngjashme midis papërcaktueshmërisë së koordinatave të sakta ideologjike midis racizmit dhe kritikës së mirëfilltë, jemi edhe ne kosovarët pas botimit të raportit të Dick Martyt. Buja e këtij raporti ndahet në dy faza. Është faza e parë, kur doli raporti (dhe sidomos lajmi për të në gazetën britanike The Guardian) me ç’rast pasuan reagimet e para kundër tij. Faza e dytë është reagimi ndaj reagimeve, ku problemi më nuk është raporti, po pse ky apo ai person publik ose organizatë nuk reagoi sipas mënyrës së si duhet reaguar ndaj një raporti si ky.
Por çfarë ishte karakterizimi i raportit që në fillim? Shumë herët, në ligjërimin publik rreth raportit u vunë në rend të parë tri elemente: (1) raporti denigron UÇK-në dhe luftën çlirimtare duke ia veshur asaj një aktivitet të pistë gjatë luftës, trafikimin e organeve; (2) akuza për trafikimin e organeve është një akuzë e përgatitur nga Beogradi; (3) Dick Marty njihej qysh më parë për kundërshtinë e tij ndaj pavarësisë së Kosovës. Përfundimi prandaj është: raporti është fabrikim, kurse Dick Marty një aktivist antishqiptar. Sipas kësaj skeme, motivi antishqiptar i Martyt shpjegon raportin dhe përmbajtjen e tij. Po ta kishte shkruar një raport të ngjashëm për ndonjë rast në Izrael, ka gjasa të mëdha që Lévy do ta akuzonte Martyn si antisemit. Si pasojë, reagimet menjëherë u përqendruan në këto linja: raporti është antishqiptar, denigron luftën çlirimtare. Ata që nuk iu nënshtruan kësaj linje filluan t’i nënshtrohen një rendi tjetër të akuzave: si shërbëtorë të Beogradit, proserbë etj. Sepse si shumë sende të tjera, çdo dukuri politike në Kosovë përfundimisht lidhet me marrëdhëniet (e tashme apo të kaluara) të Kosovës me Serbinë. Për shkaqe historike, kjo është një nga skemat mendore dominante përmes së cilës vlerësohet dhe gjykohet një pjesë e madhe e dukurive politike në Kosovë.
Por, çështja që ngrit raporti është ndoshta tjetër fare, dhe ka të bëjë fare pak me Serbinë apo me luftën në Kosovë. Çështja është, a ka elemente raciste në raport, dhe nëse ka, çka tregon kjo për racizmin kundrejt shqiptarëve? Kur bëhet kjo pyetje, duhet t’i shmangemi trukut të Lévyt, sipas të cilit çdo akuzë kundër politikave të shtetit izraelit është akuzë antisemite (që në rastin tonë përkthehet, se çdo akuzë kundër, në këtë rast, UÇK-së, apo udhëheqjes politike, është akuzë antishqiptare). Nëse Marty akuzon në raport disa pjesëtarë të caktuar të UÇK-së për veprime të caktuara gjatë kohës së luftës, çfarëdo qofshin ato, kjo nuk mjafton për ta cilësuar nismën e tij si antishqiptare. Mbetet të provohet nëse akuzat janë të vërteta apo jo, meqë raporti nuk e bën një gjë të tillë. Çështja më e rëndësishme është se nëse raporti shpreh një lloj qëndrimi racist ndaj shqiptarëve, cili është ai racizëm? Racizmi si gjest verbal, në këtë pikë, nuk është ndonjë akuzë politike ndaj ndonjë subjekti të caktuar, por, ndër të tjera, stigmatizimi i një grupi përmes ndonjë veçorie kulturore të tij. Për shqiptarët, stigmatizimi i zakonshëm perëndimor lidhet, në radhë të parë, me strukturën familjare te shqiptarët. Dhe në rastin më të zakonshëm struktura familjare (familja e madhe, lojaliteti familjar dhe lidhjet e ngushta farefisnore), apo baza etike e organizimit tradicional familjar (që lidhet shpesh me praktikat tradicionale nga “Kanuni”) përdoret si argument për të shpjeguar efikasitetin e grupeve shqiptare në krimin e organizuar dhe kapacitetet e tyre për t’i ikur zbulimit dhe kapjes nga institucionet e drejtësisë. Kjo vlen jo vetëm në Kosovë, por në të gjitha vendet evropiane ku pretendohet të veprojë “mafia shqiptare”.
Pikërisht kjo është një nga aspektet më prekëse të raportit të Martyt: jo që disa pjesëtarë të UÇK-së, sot pjesë e udhëheqjes politike të vendit kanë qenë/janë pjesë e krimit të organizuar etj., që janë akuza tashmë të njohura, por edhe mekanizmi mbrojtjes nga përgënjeshtrimi, që përmban raporti. P.sh., në paragrafin 172, raporti thotë se pengesa kryesore për drejtësinë në Kosovë është “lojaliteti fisnor”, pasi që, sipas raportit, ndjenja e lojalitetit që pjesëtarët e grupeve kriminale kanë ndaj bosëve të tyre është e barabartë me atë të një anëtari të familjes, ndërsa lojaliteti familjar është një pjesë konstituive e kulturës shqiptare. Kjo, thotë raporti, është një nga shkaqet pse dëshmitarët refuzojnë të flasin dhe të inkriminojnë bosët e tyre. Kjo domethënë se, nëse pjesë të raportit mbesin pa u vërtetuar, kjo nuk është si pasojë e fakteve të gabuara, por e kulturës shqiptare që nuk qenka kompatibile me proceset dhe mekanizmat e drejtësisë moderne. Lojaliteti familjar si faktor në zbatimin, organizimin dhe moszbulimin e kriminalitetit përmendet disa herë në raport. Nuk është vendi këtu të hyhet në shqyrtime demografike, ekonomike apo sociologjike të rolit të familjes në shoqërinë shqiptare në Kosovë. Nuk është vendi as të pyetemi çfarë peshe kanë lidhjet familjare në jetën shoqërore dhe institucionale, dhe sa dallon kjo p.sh. nga norma në shoqëritë e tjera ballkanike ose edhe ato perëndimore. Nuk është vendi as që të problematizohet vetë koncepti i “traditës familjare shqiptare”, që merret si një fakt i mirëqenë, a-historik dhe pa lidhje me strukturat e tjera shoqërore, siç janë shteti dhe ekonomia. Mirëpo, këto elemente të raportit, lehtë klasifikohen me ato përshkrime, tashmë jo të pazakonta në qarqet kriminalistike në Evropë, që bëjnë dy gjeste: e para, portretizojnë shqiptarët si grup i pashkëputur nga lidhjet fisnore, si një mbeturinë e primordializmit kulturor në Evropë. E dyta, strukturën familjare shqiptare e ndërlidhin me kriminalitetin, duke e bërë kushtin themelor organizativ për efektivitetin e tij. Krejt kjo na sugjeron një përfundim të caktuar: nëse raporti i Martyt përmban elemente raciste kundrejt shqiptarëve, ato nuk janë as përmbajtja e akuzave të tij konkrete, sado shqetësuese dhe indinjuese qofshin ato për trafikun me organe, dhe as e subjekteve të përveçëm të cilët emërohen aty. Ato janë pikërisht në mënyrën se si ligjërimi i raportit sugjeron se kultura familjare shqiptare paraqet jo vetëm një barrierë të patejkalueshme për zhvillimin modern të shoqërisë kosovare, por gjithashtu dhe një element konstituiv në aktivitetet kriminale. Kjo formë përfytyrimi e shqiptarëve në Evropë, në të cilën familja shqiptare paraqitet si shtyllë për krimin e organizuar, është një problem më i madh, dhe gjithsesi shkon përtej individit Dick Marty dhe raportit të tij.

Do qe te marresh mendimin qe kane shoket per ty?
Do qe te te shkruash mendimin qe ke per shoket?
Regjistrohu tani dhe tregohu i ndershem!

tbh.me

Vepra te ngjashme

imagjinata Autori: Igli Mehmetaj · Lloji: Ese argumentuese · Tema: imagjinata njeriu per mijera e mijera vite ka fantazuar.Ato gjera qe jeta nuk ia jepte i enderronte.Sepse jeta keshtu eshte asnjehere nuk ti jepe te gjitha te gatshme.Jeta duhet formuar duhen gjetur shume copera te shperndara kudo ne cdo vend qe ti beshe nje te vetm...	Poezi Autori: Diellza · Lloji: Ese argumentuese · Tema: Semi-Maturantat e ulun n`fund t;klases tu menu per at koh, ku per PROFA e per MSIME sna ka ni as ni trOH smuj mi harru shokt e shoqet e mija , Qe mas ores 6-të s`dishum me shku te shpija . Menimi per ket fund nuuk koka i let... Mo nuk na bashkon mengjesi ores 8 n`oborr ...
Gjuha shqipe Autori: Flavia Biba · Lloji: Ese argumentuese · Tema: Gjuha shqipe eshte i vetmi mjet i ndritcimit dhe i perparimit Gjuha shqipe eshte i vetmi mjet i ndritcimit dhe i perparimit. Pedersoni ka thene kete thenie e cila ka lene nje mesash te bukur tek une. Gjate pushtimit te turqeve, sic te gjithe e dime rrezikohej te zhdukej gjuha jone shqipe.Shqiptaret luftuan shume qe ...	Arsimimi Autori: Amarilda Kocia · Lloji: Ese argumentuese · Tema: Arsimimi Arsimimi eshte baza e cdo shkalle qe ne do te ngjisim ne jete. Duke qene kaq i rendesishem,ai fillon qe ne nje moshe shume te vogel,ku meren hapat e pare te mesimit. Por,perse eshte kaq me vlere arsimi? Shume studiues,kane vene re se njerezit e arsimua...
babai Autori: rudi · Lloji: Ese argumentuese · Tema: babai babi nje ze ! nje veshtrim ! nje ndjenje! nje frike! nje pyetje! si do jetoj une keshu? si do jetoj une pa zerin e tij.. si mud ta shoh fotografine e tij kur nuk e kam pasur kurr prane kur e dua...per te me thene ...	erdhi pranvera Autori: ERMONELA SHEHU · Lloji: Ese argumentuese · Tema: PRANVERA Eshte pranvere.Dielli i ka shtrire rrezet ne te gjitha skajet e tokes.Degjohen hingellimat e kuajve buze detit qe vrapojne te gezuar gati gati duket sikur fluturojne.Eci disa hapa duke pare hijen time qe me ndjek kudo qe shkoj dhe per nje cast ndaloj degj...
dashuria Autori: Ani bukuroshi · Lloji: Ese argumentuese · Tema: Naze O MOJ NAZE . Nazja ime zemren ma ke bere me dhimbje .Une te dua dhe ti me do atehere pse sme kerkon.Je e embel je si mjalti dhe pse je pak lozonjare une do te te dua gjithmone.As ne kete shkrim s mund ta shpreh dashurine per ty .Te lutem me fal nese te ka...	100 vjetori i pavaresise Autori: jonathan pano · Lloji: Ese argumentuese · Tema: atdheu Ne fakt eshte paksa e veshtire te flasesh per gjithe keto vite. Eshte e veshtire te tregosh per 100vjet liri,100vjet krenari, 100vjet trimeri. Eshte po aq e veshtire sa te tregosh per te gjithe personat e shquar qe gjate gjithe kesaj e kane bere kete vend...
Bota e Ideve Autori: Dorina.D · Lloji: Ese argumentuese · Tema: Bota e Ideve Nuk sherbente per te qene nje vajze e vogel. Ne vend qe te luante ne rrugen prane shtepise; lexonte. Ne vend qe te kerkonte shoke dhe shoqe; nuk I donte. Historite e librave gjithmone ju duken me interesante se sa realiteti. I ofronin shume gjera qe asn...	i vogël kam qen Autori: erona bajrami · Lloji: Ese argumentuese · Tema: per femijerin na ishte nje her ...por tani nuk eshte me . kush nuk eshte me - femijerija jon ka humbur , nuk e gjejm duke u rritur ,aq me shum e humbasim :P ather kam qen e vogel e pa fajsheme ,,,, por tash .. tash jam e rritur dhe i kuptoj gjerat qe dikush mi shpjegon...
Perdorimi i celularit ne shkollen fillor... Autori: Ersi · Lloji: Ese argumentuese · Tema: Perdorimi celularit ne shkollen fillore Perdorimi i telefonave celular vazhdon te zgjerohet cdo dite e me shume duke u perdorur qe nga femijet e vegjel e deri te te moshuarit. Cdo gje ka kohen e vet, dhe nje veprim i tille mund te jete i demshem per femijet. Une personalisht jam e mendimit qe ...	onjengini dhe tatjana Autori: franko mema · Lloji: Ese argumentuese · Tema: onjengini tatjana tatjana ishte nje vajze shpirtbute e thjeshte dhe melankolike.kishte nje natyre te matur e te menduar.tatjana ishte e lidhur ngushte me popullin e saj dhe i donte te varferit.ishte heroina ruse dhe shume e kane konceptuar si kunderpeshe e onjenginit nders...
Njerka ime Autori: Anabela · Lloji: Ese argumentuese · Tema: Gjerat e kqija te njerkes qe mi ka ber mua dhe motres sime Epo un do tregoj nje histori te vertet e cila me ka nsodhur edhe mua pasi babi im me nene time kan pasur probleme ata u divorcuan babi u martua ashtu edhe nena.Prej babit un kam dy vellezer njerka ime filloi te sillej shum keq me mua dhe motren time pas l...	Ese Autori: Artiola · Lloji: Ese argumentuese · Tema: ~ Prinderit - modeli me i mire qe dua te ndjek ne jete ~ Prinderit jane gjeja me e vyer per nje njeri. Sepse ato jane personat e pare qe na duan neve te miren. Jane ato persona qe te mbeshtesin ne rrugen qe ti zgjedh. Vetem ato na keshillojne ne rrugen e drejt dhe asnjehere nuk na mendojne te keqen tone. ...

Komentet e fundit!

Emri: kari
Email: ka.....hi@hotmail.com
Komenti: o ka.... do ta shqyj pi.... kapjac ropqim /lool

Emri: kritika
Email: kritizer@hotmail.com
Komenti: O amarildo, po pse e ke kopju mor dak. Ketu duhen vetem vepra origjinale.

Shto komentin tend per vepren e mesiperme!

Emri:

Email:

Komenti:

Pyetje sigurie

Sa eshte shuma e ketyre dy numrave:
1 + 2 =

Your travel guide to exploring Albania - TourAlbania.org

Kaloni ne versionin Desktop