Data e postimit: 2014-11-12 23:32:23 Lexime: 37377

Turizmi është praktika, veprimi i marrë nga ata që udhëtojnë apo vizitojnë vende me qëllim zbavitjeje, njohurie dhe mësimi; sipas definicionit te Organizatës Botërore të Turizmit (World Tourism Organization, një nga departamentet e Kombeve te Bashkuara), turist quhet gjithkush që udhëton në vende të ndryshme nga ai në të cilin ka rezidencën aktuale, jashtë ambientit të përditshëm personal, për një periudhë prej minimumi një nate por jo më gjatë se sa një vit dhe qëllimi i tij i zakonshëm të mos jetë asnjë lloj veprimtarie nga e cila të përfitojë ekonomikisht. Në këtë term përfshihen të gjithë ata që udhëtojnë për: dëfrim, pushim dhe çlodhje; për të vizituar miq dhe të afërm; për motive pune dhe profesionale, për motive shëndeti, besimi/pelegrinazhi dhe tjetër.










Turizmi malor në Alpet shqiptare, më i bukur se në Evropë
Shqipëria ofron vende të mrekullueshme edhe për turistët e natyrës dhe të jetës rurale nëse ata do të zgjedhin të vizitojnë hanet dhe bujtinat shqiptare, të cilat mund të gjenden nga veriu në jug të vendit.
Më në fund Shqipëria mund të krenohet edhe me turizmin malor, me ato zona të harruara nga vetë turistët shqiptarë të diskriminuara nga regjimi komunist, por të preferuara tashmë dhe të vlerësuara nga të huajt. Zona e Thethit në kulm të Shqipërisë konsiderohet për mjaft turistë një nga pjesët më të bukura malore në të gjithë Europën. Një turist çek është shprehur për agjencinë e lajmeve "Rojter" se, "vite më parë kam udhëtuar rreth Alpeve në qendër të Europës, nuk i pëlqej më ato vende pasi ka shumë turistë. Ne tashmë kërkojmë një natyrë më të pastër dhe këtë e gjejmë në këto male, pasi gjithçka këtu është natyrale. Dhe ja çfarë pëlqej në Shqipëri, male të bukura, njerëz të pastër dhe natyrë të mrekullueshme", u shpreh turisti çek. Turistët preferojnë të hanë ushqim në natyrë, të flenë në natyrë edhe pse kjo është diçka e frikshme në këtë natyrë të egër dhe origjinale. Një tjetër turiste çeke shprehet se, nëse do ta krahasojmë këtë vend me Austrinë ose Zvicrën, këtu është një zonë më pak turistike, por është e këndshme, sepse mund të jesh vetëm ti mes maleve, pa njerëz apo turistë të shumtë rreth e qark. Këtu turizmi nuk është shumë i organizuar, vetë banorët janë përpjekur të modernizojnë shtëpitë e tyre në mënyrë që turistët të gjejnë mjedisin e rehatshëm që kërkojnë. Prek Harusha, një nga pronarët e Haneve që strehojnë turistë në këtë zonë, shprehet se kushtet e akomodimit të turistëve janë komode. "Ushqimet që gatuajmë janë prodhim vendi, kjo është edhe ajo çka kërkohet nga turistët. Dikur në kohë ne kemi pritur edhe njerëz pa lekë, pasi ne jemi malësorë dhe ruajmë traditën e mikpritjes edhe i presim. Por tashmë ka ndryshuar koha dhe janë turistë ata që na vijnë dhe çmimet janë të arsyeshme", theksoi Harusha. Një shekull më parë shkrimtarja britanike e famshme, Edit Durham, ra në dashuri me këtë vend malor. Ajo shkroi edhe një libër në vitin 1909. Sot kullat e Thethit janë modernizuar falë një ndihme simbolike nga investitorët gjermanë, megjithatë ato kulla ruajnë ende origjinalitetin e tyre. Është fakt tashmë se kjo zonë po korr fitimet e veta dhe po bëhet gjithnjë e më shumë një destinacion për të huajt që janë të dhënë pas turizmit malor.
Thethi, madhështia e turizmit malor
Me pamjen përballë Alpeve shqiptare, 70 km nga qyteti i Shkodrës, i rrethuar nga një kurorë malesh, nga mali Radohimë, Shenik, Papluk, me lartësi mbi 2500 m, shtrihet lugina e lartë e Thethit, një nga zonat më të veçanta të këtyre Alpeve, 750 deri 950 m mbi nivelin e detit, me një sipërfaqe prej 2630 hektarësh. I mbrojtur nga muret e maleve madhështore, i shtruar me livadhe, pyjet e ahut e burime të ftohta uji, zona malore turistike e Thethit e shndërron Shqipërinë në një vend potencialisht të fuqishëm për turizmin malor në të gjitha stinët. Madhështia e natyrës së paprekur që të ofron kjo zonë nis me praninë e pyjeve të dendura, ku përveç pemëve të larta mbizotëron dukshëm edhe bimësia e ulët me lule shumëngjyrëshe e të rralla në llojin e vet. Një nga pikat piktoreske në këtë mrekulli natyrore është padyshim edhe vorri i Riecit, një pikë nga e cila vihesh përballë Okolit, Qafës së Pejës dhe ku majtas ngrihet madhështore kalaja natyrore dhe Shtegu i Dhenve. Thethi rrethohet nga male të larta dhe qafa mahnitëse, duke filluar nga Qafa e Thanës, Shtegu i Dhenve, Radohima, Sheniku, Papluku, Maja e Alisë, Qafa e Pejës, Gropa e Bukur, Qafa e Jezercës, Maja e Zezë, Maja e Zorgjit, që fshehin në brendësinë e tyre ballafaqime të panumërta me alpinistë, spedologë, botanistë, gjeografë dhe shumë dashamirës të alpeve, te të cilët kjo zonë sigurisht lë mbresa të pakrahasueshme. Fshatrat e kësaj zone shtrihen në të dy anët e lumit nga Okoli deri në Grunas, ku spikasin shtëpitë karakteristike që të gërshetuara me sfondin alpin, të shfaqen si peizazhe të papërsëritshme dhe të papara ndonjëherë. Pa asnjë dyshim, Thethi mund të quhet edhe një park zoologjik natyror. Quhet i tillë nga banorët dhe nga vizitorët, pasi ka një hapësirë të admirueshme, e cila i ofron kushte të mira jetese disa llojeve të ndryshme të kafshëve të egra. Por përveç shumëllojshmërisë së kafshëve të egra, pylli i Thethit është mjaft i pasur edhe me shpendë të ndryshëm si shqiponja, skifteri, thëllëza, pëllumbi, e shumë shpendë të tjerë që folenizojnë atje. Nuk duhen lënë pa u përmendur edhe pasuritë e lumit të Shalës, që buron në Okol dhe të lumit të Kapresë, që shquhen për peshkun karakteristik. Akomodimi dhe kuzhina, në këtë pikë gjendet në të gjitha format, që nga ushqimi natyral dhe i thjeshtë i shtëpisë, e deri tek pjatat më të sofistikuara të kuzhinave ndërkombëtare. Shtëpitë e banorëve të veriut e sidomos të Alpeve, kanë hapur dyert për vizitorët e atjeshëm, duke mos e lënë aventurën vetëm në dorën e kampingjeve, ndërsa në zonat e tjera të Shqipërisë, mund të gjendet komoditeti i vërtetë nëpër fshatra turistikë, hotelet dhe komplekset e ndryshme, të cilët duke qenë në fazën fillestare të investimit, kanë vendosur të ofrojnë cilësinë më të lartë të shërbimit standard.
Mrekullia e resurseve natyrore
Resurset natyrore të kësaj zone janë të lidhura së bashku edhe me trashëgiminë kulturore dhe historike të banorëve vendas, duke formuar kështu bazat më të rëndësishme për zhvillimin e turizmit. Resurset natyrore i dallon çdo vizitor, sa lë Grykën e Ndërlysës dhe përballesh me mrekullinë e kanionit të Grunasit që është rreth 2 km i gjatë, 40 deri 60 m i thellë dhe vetëm 2 deri në 3 m i gjerë. Përveç kanionit, në Theth gjenden një numër i konsiderueshëm shpellash, por ato që kanë tërhequr vëmendjen e shumë alpinistëve, spelologëve, gjeografëve etj, janë Shpella e Harapit dhe Bira e Rrathëve, të cilat me përmasat e tyre dhe dukuritë interesante që mbartin brenda tyre si liqenet nëntokësore, galeri, sifone etj., janë bërë shkak i shumë legjendave të krijuara nga vetë banorët e zonës. Një bukuri natyrore, të veçantë, të bjeshkëve të veriut, shpalos në këtë zonë Ujëvara e Thethit me 25 m lartesi, ku së bashku me cirqet përreth dhe Mullirin e Blojës, formojnë një nga vendet më interesante për t'u vizituar. Por jo më pak tërheqës është edhe vendburimi i lumit të Shalës në Okol, burimet e të cilit nxjerrin 2.5 deri në 3 m kub ujë, që vë në punë një hidrocentral të vogël dhe 12 mullinj, që shërbejnë për ujë të pijshëm, cilësia dhe pastërtia e të cilit është për t'u admiruar. Nga Thethi, një ndër vendet më të veçanta të Alpeve të Veriut, në jug, aty ku shtrihet madhërishëm "Syri i kaltër". Nga vizita te Parqet Kombëtare, te formacionet mbi strukturat pritëse të zonave malore. Nga akomodimi dhe kuzhina shqiptare, te zbavitja dhe mundësitë e argëtimit përmes sportit. Shqipëria mbetet një vend i bukur dhe i mrekullyshëm ku turizmi mund të eksplorohet në të katërta stinët e vitit.
Një vizitë edhe në Valbonë, aty ku plazhi ndërthuret me bjeshkët
Në Shqipëri, turistët e huaj, përveç detit mund të vizitojnë dhe vende ku ndërthuret plazhi me bjeshkët. Një mundësi për pushime të tilla e ofron lumi i Valbonës me ujin e pastër mbi të cilin prehet mali i Jezercës, në rrethin e Tropojës. Janë të shumtë ata që e kanë zgjedhur si vend pushimi, por nuk mjafton vetëm bukuria natyrore. Sipas banorëve të zonës, pushteti lokal duhet të investojë më shumë në infrastrukturë. Uji i pastër i lumit Valbonë, ambienti i bukur natyror dhe qetësia e bëjnë këtë zonë mjaft tërheqëse për pushime. Pothuajse gjatë gjithë 51 km të lumit gjen pushues, të cilët jo vetëm freskohen në ujin e pastër, por gjuajnë edhe troftat e rralla të Valbonës. Ky pushtim i brigjeve të lumit nga pushues të shumtë, i ka dhënë gjallëri zonës dhe nëse deri tani familjet kishin jetuar vetëm me blegtori, bujqësi apo me emigracion, tani është shtuar dhe një burim tjetër të ardhurash, turizmi. Lugina e Valbonës është një nga mrekullitë e papërsëritshme të natyrës alpine shqiptare. Lugina e Valbonës nis nga Qafa e Valbonës në perëndim dhe përfundon në luginën e Drinit në jugperëndim, shumë pranë digës së hidrocentralit të Fierzës. Gjatësia e saj nga Qafa e Valbonës deri në lumin Drin është 50.6 kilometra. Lugina e Valbonës është zona turistike më e vizituar në rrethin e Tropojës, madje nga më të vizituarat në Alpet shqiptare pas luginës së Thethit. Kjo zonë me bukuri të rralla është e preferuar jo vetëm nga turistët vendas por edhe nga turistët e huaj, të cilët parapëlqejnë të njihen edhe me zakonet apo traditat e fshatrave më veriore të vendit. Në Valbonë nuk ka hotel të mirëfilltë, por disa shtëpi-kulla karakteristike janë përshtatur sipas traditës në hotele për turistët.
40 Hanet, destinacioni i turistëve të natyrës dhe zonave rurale
Shqipëria ofron vende të mrekullueshme edhe për turistët e natyrës dhe të jetës rurale nëse ata do të zgjedhin të vizitojnë hanet dhe bujtinat shqiptare, të cilat mund të gjenden nga veriu në jug të vendit. Projekti ambicioz "40 Hanet", i cili ka dy vjet që funksionon, ofron për turistët e huaj dhe vendas mundësitë për të njohur nga afër jo vetëm bregdetin shqiptar, por edhe traditat tona të hershme. Këto banesa mahnitëse dhe relaksuese rigjallërojnë turizmin në zonat rurale të vendit, duke përmirësuar ekonominë e banorëve të zonave të thella të vendit, të cilët tashmë kanë një alternativë më tepër, përveç emigracionit apo bujqësisë për të siguruar jetesën. Konkretisht, janë shtëpitë e fshatit me kushtet reale të banimit, sigurisht, të mobiluara e të akomoduara sipas traditave të zonave ku janë ngritur. Katër itineraret e këtij projekti përfshijnë në gjurmën e veta hanet, duke nisur nga Alpet e Shqipërisë, më pas bujtinat përgjatë rrugës së njohur si "Via Pubblica", për të vazhduar me "Via Egnatia" dhe në fund itinerarin e Jugut. Ndërkohë që ekziston një mori kombinimesh dhe akomodimesh, të cilat i japin dorë të lirë turistit dhe agjencive turistike për të eksploruar itinerare të tilla.
Turizmi bregdetar

Bregdeti Adriatik

Ai fillon nga grykëderdhja e Bunës në qytetin e Shkodrës. Dikur ka qenë një breg i tipit Dalmat, me bazë të thellë e me ishuj te shumte. Sot është transformuar në tipin e një bregdeti të ulët, të cekët dhe e tipit grumbullues. Ai është pjesa e fundit e grykëderdhjes (deltës) së lumenjve kryesore të vendit

Pas kësaj vije janë formuar fushat. Formimi i shtretërve nënujore, gjarpërimi i tyre kanë çuar në formimin e plazheve me rërë dhe në transformimin e gjireve detare në laguna. Deltat e lumenjve vijnë duke u zgjeruar disa metra çdo vit. Ky progres i tokës është më i madh në brigjet e Myzeqesë dhe më i vogël në zonën e Lezhës.
Sistemi artificial i kullimit ne vitet 70 të shekullit 20, në qytetin e Durrësit e përshpejtoi procesin e mësipërm. Burimet e panumërta turistike dhe ato çfarë natyra ofron lidhen me një evolucion të tillë që rrit kuriozitetin për turistët, ato plazhe me rërë më të përshtatshme për pushimet tuaja janë Velipojë, Shëngjini, Kune, Gjiri Lalzit, Durrësi, Golem, Mali Robit, Spille, Divjaka, Darezeza dhe Plazhi i Ri Vlore.
Aty do të gjeni ujin e pastër të detit, shërbim dhe cilësi të lartë, kuzhinë tradicionale e moderne, laguna, liqene lumenj etj. Aty ofrohen shumë mundësi për të gjithë ata që tërhiqen nga natyra, eko-turizmi, një numër i pafund zogjsh, mes tyre dhe zogj të rallë, si Pelikani Dalmat etj. Gjithashtu ka zogj e kafshë të tjera të cilat ofrojnë mundësinë e praktikimit të gjuetisë, në eko-sistemin e pasur te zonës.


Bregdeti Jon

Fillon nga Uji i Ftohtë ne Vlore dhe vazhdon me disa ndërprerje të vogla te kepi i Stillos. Dallohet për intensitetin e madh abraziv, për shkak se deti është i thellë e derdhjet e lumenjve mungojnë. Si pasojë, dallgët mund të arrijnë një lartësi me shume se 4 m. duke u përplasur fort me brigjet shkëmbore. Në këtë mënyrë ato thyhen e formojnë thyerje të ndryshme (Uji I Ftohte etj) dhe të çara zakonisht vertikale, që arrijnë deri në lartësinë 100 m. Në bregun Jonian ju do të zbuloni disa gjire të vogla dhe plazhe mjaft te rehatshëm për banje dielli dhe shpesh here edhe intim.
Përgjatë tij mund te gjesh gjire të mëdhenj tektonik siç janë Gjiri Vlorës, Porto Palermos, Gjiri Sarandës etj. Plazhet dhe gjiret ofrojnë mundësi me te mëdha për zhytje, vozitje, peshkim etj.
Bregu i Rivierës Shqiptare karakterizohet nga temperature te larta. Rrjedhimisht kulturat dhe pemët subtropikale gjejnë kushtet te favorshme për t’u rritur. Riviera është një nga bukuritë e rralla të natyrës Shqiptare dhe një nga vendet më piktoreske të Mesdheut, me një potencial turistik të lartë, i cili ne vitet e fundit ka filluar te përdoret dhe zhvillohet gjerësisht.
Prezenca ne Shqipëri e deteve, liqeneve, lagunave, lumenjve, deltave etj. tregon zhvillimin e llojeve të ndryshme të turizmit ujor. Klima tipike mesdhetare krijon kushte ideale për pushime në deltat e lumenjve dhe brigjet shqiptare ne përgjithësi. Në pjesën më të madhe të bregdetit, kryesisht në jug, pushuesit mund ti fillojnë pushimet e tyre duke filluar qe nga fundi i Prillit, deri ne Tetor.
Bregdeti Shqiptar duke qenë i populluar që në antikitet, krijon mundësi, për t’u njohur edhe me historinë Shqiptare, kulturën e te veçantat e tyre.
Interesi për antikitetin dhe burimet kulturore të Shqipërisë lidhen kryesisht me dy aspekte, vetë lashtësinë dhe historinë e kulturën e saj, si një nga vendet më të vjetra të Evropës, gjithashtu dhe fale zhvillimit te saj mes kufijve të lindjes dhe perëndimit. Bukuria dhe pozicioni i saj gjeografik, bëjnë që Shqipëria të ofroje shume më tepër, për t’u pare e treguar gjithë vizitoreve dhe turisteve qe vijnë dhe vizitojnë ketë zone, duke mos ofruar vetëm pushim për det dhe diell por gjithashtu një trashëgimi te tere historike, kulturore, natyrore etj.
Ka shume fakte historike,objekte kulturore dhe arkeologjike me mjaft vlera për t’u vizituar,te cilat janë gjurme dhe dëshmi e gjalle e një popullimi që në erën Paleolitike. Në lashtësi shumë qytete të rëndësishme ilire lulëzuan pikërisht përgjatë bregdetit. Edhe gjatë mesjetës disa nga qytetet bregdetare janë dalluar për zhvillimin e tyre duke ofruar një trashëgimi të pasur kulturore, e cila është materializuar në monumentet e shumta kulturore, të cilat mund t’i ndeshim në gjithë bregdetit shqiptar.

Turistët shfaqin interes për sitet arkeologjike dhe muzetë
Turistët të cilët vinë në Shqipëri në sezonin e verës nuk shfrytëzojnë vetem bukurit e natyrës dhe plazhet e mrekullueshëm, por një vend të veçantë sipas drejtorit të Trashëgimisë Kulturore Arbër Kadia, zë edhe turizmi kulturor ose sic njihet ndryshe turizmi elitar.
Në krye të preferencave qëndronë Butrinti, Apollonia, Kalaja e Krujës, qyteti i Shkodres dhe Lezha. Sipas Kadisë sitet arkeologjike dhe muzetë shënojnë një rritje me 20 për qind më shumë vizitor se një vit më parë.
Por edhe harta gjeografike e turistëve ka pësuar ndryshime të dukshme.
Për 6 mujorin e parë të ketij viti sipas të dhënave që drejtoria e trashëgimisë kulturore pranë ministrisë së kulturës disponon.
Sipas Kadisë factor kryesor në rritjen e numrit të vizitorëve kanë shënuar promovimi i këtij turizmi si dhe përfshirja në guida turistike.

Vepra te ngjashme

Liria në letërsi Autori: Kevin Çika · Lloji: Ese argumentuese · Tema: Liria në krijmtarinë letrarë është e rëndësishme Ajo çka e ka dalluar krijimin poetik , nga krijimet e tjera është forca e madhe e shprehjes së unit të brendshëm të autorit.Shpreh gëzimin e tij deri në ekstazë.Po ashtu shfaq vuajtjen e tij deri në agoni.Poezia me vargjet e saj shkrihet me bot...	Mesuesja ime e pare Autori: Xhesika Mersinllari · Lloji: Ese argumentuese · Tema: Esse per mesuesen Më kujtohet mesuesja ime e pare !Isha shumë e vogel kur pata kuptuar se duhej që të shkoja në shkollë, ku do të mësoja të shkruaja e të lexojë nga mësuesja. Dhe, shpesh mendoja se si do të dukej mësuesja ime e parë. Si duket, ajo? Është, ...
miqesia Autori: xxxxxxx · Lloji: Ese argumentuese · Tema: une dhe mikja ime edhe un jam shume e lenduar dhe do te doja nje oponion te gjithsecilit te me ndihmonit: Une dhe Xh jemi shoqe te ngushta qe ne moshen 6 vjecare.kemi qene ne shkolle te ndryshme por ishim ne te njejten lagje dhe biem si kushurira por pak te largeta.Ne ishi...	libri dhe lufta Autori: klevi · Lloji: Ese argumentuese · Tema: lufta Libri eshte porta ku hapen horizontet e jetes.ai eshte udhetimi i jone neper bote nga dhoma e leximit permes diellit.gjithcka me e bukur nga kjo bote fshihet ne libra. Kam mesuar se sa here qe mes njerezve ndihem keq,nje liber me ben te ndihem mire sepse...
Pse libri na hap dyert e jetes ? Autori: Ina.Cr7 · Lloji: Ese argumentuese · Tema: libri Nje proverb thote: "Shtepia pa libra,eshte si dhoma pa dritare". Asgje tjeter nuk mund ta shprehte me bukur rendesine e librit. Libri esht nje jete tjeter , nje udhetim i mrekullueshem qe te con ne bote te ndryshme , te panjohura , te njeh me shume gjera ...	‘’VDEKJA ESHTE AKT QE SHPAGUHET ME T... Autori: Anxhela Stafa · Lloji: Ese argumentuese · Tema: vdekja dhe perjetesia ‘’ Jeta eshte e shkurter, ndaj bej mire te gjesh mire’’- thote populli qe lidhet pikerisht me vdekjen, miresine dhe perjetesine. Askujt nuk I kushton asgje te bej dicka te mire ne jete per veten dhe njerzit qe e rrethojne.Perkundrazi e ben ate nj...
Legjenda Nder Vite Autori: Samuel Osmani · Lloji: Ese argumentuese · Tema: Legjendat Dikur njerezit nuk dinin te flisnin apo te shkruanin. Ata shpreheshin me vizatime e figura ne mur. Me kalimin e kohes njerezit kuptuan si t e merreshin vesh dhe ky ishte hapi i pare drejt nje te ardhme plot letersi e fantazi Kur njerezit filluan te k...	dimri Autori: majlinda kastrati · Lloji: Ese argumentuese · Tema: knaqesia per dimrin u zgjova në mëngjes dola te dritarja pashë të gjitha fushat të gjitha malet,kodrat,tokën të mbuluar me një shtresë dëbore të madhe, ajo kishte mbuluar edhe pemët.Pyete veten sa bukur u dukeshin?Aq bukur të bardha sikur të ishin nga akulli,un...
Gjera te vogla, por te bera me dashuri m... Autori: Ledia Linfaj · Lloji: Ese argumentuese · Tema: Mjaftojne gjerat e vogla te bera me gjithe zemer,per te ndryshuar boten. A mund ta ndryshoj une boten,hapsiren dhe njerezit me te cilet jetoj dhe nderveproj cdo moment te jetes sime?A mund t’i zgjidh une problemet dhe konfliktet me te cilat perballem cdo dite? E nese mundem, si duhet te veproj? Mos valle duhet te rebelo...	Une pas karantine Autori: Orgita · Lloji: Ese argumentuese · Tema: Une pas karantine. ESE TEMA:UNE PAS KATANTINE Karanatina.Eh në fakt,kjo fjalë nuk është se na pëlqen shumë .Arsyeja kryesore është se ne si individ nuk jemi mësuar të rrimë të mbyllur në shtëpi për një kohe kaq të gjatë. Nuk jemi ambejtuar akoma me k�...
Perse me pelqen te studioj? Autori: Ersi · Lloji: Ese argumentuese · Tema: Perse me pelqen te studioj? Jeta eshte si nje shtegtim ne kete bote ku jemi. Deri ne moshen 7vjecare jetojme nje jete pa shume pergjegjesi,rritemi ne krahet e familjeve tona.Qe kur futemi ne klasen e pare hedhim hapat e pare ne rrugetimin e gjate te jetes. Aty degjojme per here te p...	Ngrohja globale Autori: Ana · Lloji: Ese argumentuese · Tema: Toka Te gjithe e veme re rrezikun qe po i afrohet shtepise sone te bukur,por nuk bejme asgje per ta shpetuar.Jo se vetem eshte detyrimi jone,por ne shumicen e rasteve jemi ne ata qe e rrisim kete rrezik. Ndonjerit nuk i behet vone fare per kete shtepi t...
Suksesi Autori: Anxhela · Lloji: Ese argumentuese · Tema: Suksesi Suksesi Suksesi ne sy te cdokujt merre trajta te ndryshme, hije te ndryshme. Cdokush vjen me nje perceptim I cili perfaqeson nje pjese te personalitetit te tij. Nje perkufizim I sakte per nje njeri te suksesshem do te ishte: Ai I cili ka permbushur te gj...	Vdekja eshte vdekja e tjetrit Autori: valentina · Lloji: Ese argumentuese · Tema: Misteri I vdekjes eshte ai qe na fut ne panik, padituria Vdekja eshte ajo qe na tremb me shume, me shume se cdo gje ne kete jete. Kujt I trembemi me shume, vdekjes tone, apo vdekjes te njerezve tane me te dashur? Cfare eshte me e dhimbshme te mendosh, qe diteve tona do I vije fundi, apo qe ne ditet tona nuk ...

Komentet e fundit!

---

---

---

---

---

---

---

---

---

---

---

---

---

---

---

---

---

---

---

---

---

Shto komentin tend per vepren e mesiperme!

Last name

Emri:

Email:

Komenti:

Pyetje sigurie

Sa eshte shuma e ketyre dy numrave: 1 + 2 =