Data e postimit: 2015-03-17 17:08:39 Lexime: 6136

Leu në Shirokë, lokalitet afër liqenit, më 5 janar 1888 i biri i Loros dhe i Çile Koliqit[2] i pagëzuar me emrin Gaspër. Qysh në moshë të re bashkë me të vëllanë, Markun, qenë të thirrur nga rruga e kishtarisë. Hyri në kolegjin e jezuitëve ku kreu mësimet fillore dhe la vëllanë që ndjeu thirrjen nga petku jezuit, Gaspri më tej nxuri klasët e gjimnazit të ulët në kolegjin e françeskanëve[3].

Rezultatet e larta në shkollë i mundësuan të vijojë klasët e epërta në Salzburg, e mandej Schwaz e Villach të Tirolit të Austrisë, dhe vijoi studimet teologjike në Romë. Mbi mbrujtjen e tij Dom K. Prennushi na ofron këto radhë vlerësimi:

“... mendje dialektike, qi shkruen kryeartikuj, nder cillt disa janë kryvepra. Dija e thell, arsytimi i lidhun, analizimi i holl, stili i peshuem, dallojn gjith shkrimet e tija. Mund të jetë i thatë, i ftoht, por ai asht i drejt e i pafajshem”[4].

Më 1910 kthehet në atdhe dhe shugurohet meshtar duke përmbushur kushtet e mbrame të Urdhrit Françeskan. Gjatë tetorit të vitit 1912 deri në prill 1913 kur Shkodra qe e rrethuar nga trupat malaziase e serbe, i përkushtohet shërbesave fetare dhe njerëzore në kishën “Zoja Rruzare” në Arrën e Madhe në Shkodër, ku ishte edhe Kuvendi Françeskan. Gjatë kohës së takimeve që i paraprinë pavarësisë së Shqipërisë kërkohet nga nëpunësit e Ministrisë së Jashtme të Perandorisë Austro-Hungareze si përkthyes gjatë bisedimeve që u zhvilluan mes kontit L. von Berthold dhe Ismail Kemal bej Vlorës, në mungesë morën sivëllaun e tij françeskan P. David Pepën[5].

Më 1916 në Dukagjin ra kolera, P. Antoni vajti si shërbetor pranë tyre, për t’i ngushëlluar dhe ndihmuar drejtpërdrejt nga ana profilaksike kundër kolerës. Dy vitet e fundme të Luftës së Parë Botërore e gjeti famullitar në Grudë të Malcís së Madhe. Organizon menjëherë tre bajrakët Hot, Grudë e Triepsh dhe ua uli parinë në Shkodër që t'i dorëzonin memorandumin e përgatitur nga ai vetë në vitin 1918, komandantit francez në Shkodër. Në bashkëpunim me L. Gurakuqin dhe P. Gjergj Fishtën, harton peticionin e nënshkruar nga paria e 200 përfaqësuesve të tre bajrakëve të lartpërmendur, drejtuar përkatësisht Konferencës së Paqes në Paris, ministrave të Jashtëm të ShBA-së, Anglisë, Francës dhe Italisë. Në përkrahje të negociatave diplomatike, përfaqësuesit e Grudës, Hotit e Triepshit në Shkodër, organizuan demostratën te Ura e Maxharrit, duke brohoritur:

“Hot e Grudë ishin betue
Pa gjak malet mos me i l’shue...”
Në mars-prill të 1923 merr pjesë si përfaqësues i françeskanëve me të rinjtë E. Koliqi dhe Z. Harapi, të shoqërisë "Rozafa" dhe "Bogdani" gjegjësisht, në takimin që formoi grupimin “Ora e Maleve”, qe bashkëpunëtor dhe nismëtar i botimit të fletores me të njëjtin emër, që rregullisht filloi të nxirrte grupi në fjalë.

“Kur kam nxjerrë “Orën e Maleve”, përveç kolegut tim Dom Lazër Shantojës, nuk kam pasë asnji njeri që të më përkrahë e të më japë ndihmë. Po, edhe miku im Nush Topalli, më ka pague shpenzimet për botimin e tre numrave të parë”, dëshmon nxënësi i tij P. Zef Pllumi.

Emërohet drejtor i kolegjit françeskan më 1923. Mbasi përkrahte Gurakuqin në pjesëmarrjen e tij tek Lëvizja e Qershorit, me fitoren e Legalitetit më dt. 24 dhjetor 1924 arrestohet dhe burgoset për do kohë[6]. I tërhequr nga politika, vazhdoi të japë mësim në liceun "Illyricum" (ku më vonë u emërua drejtor) dhe mësimdhënës në Shkollën Normale Femrore të Motrave Stigmatine po në Shkodër. Në harkun kohor të viteve 1930-1936 është drejtor i “Hyllit të Dritës”, siç kishte shkruar gazetave “Posta e Shqypnisë” dhe më tej tek “Zani i Shna Ndout” ku për shtatë vite mbuloi rubrikën me mendime filozofike popullore “Thana e thasha”[3]. Gjatë vitit 1936 do të dërgohej në Korçë i kërkuar nga intelektualët e atij qyteti tek P. Fishta, si i njohur që ishte në shkallë kombëtare për shprehinë e tij të zhdërvjellët për një kuvend mbi vlerat, parimet, kulturën e krishterë dhe atdhetarisë[7]. Më 1937 kreu shërbimin e fundit famullitar në Bajzë[8].

Vepra te ngjashme

dasmat shkodrane Autori: ska rendesi · Lloji: Ese argumentuese · Tema: dasma shkodrane Piktor, fotograf dhe arkitekt Kolë Idromeno (1860-1939) është ndoshta një nga piktorët e hershëm më të njohur të pikturës shqiptare. U lind në Shkodër dhe filloi të vizatonte dhe të bënte akuarele që në moshë të re (1871-1874). I ndih...	28 nentori Autori: Bujar Rexhallari · Lloji: Hartim · Tema: 28 Nentori dita flamurit Me 28 nentor 1912 Ismail Qemali ngriti flamurin në Vlore dhe shpalli pavaresine e Shqiperise. Ismail Qemali - Shpallja e pavarsisë 28 nëntor, 1912 U kthye me bashkëpunëtorët e tij në Shqipëri nga Trieste për në Durrës e më tej për në Vl...
Gjergj Fishta, një shpirt gjithnjë i t... Autori: Anxhela · Lloji: Ese pershkruese · Tema: Gjergj Fishta, një shpirt gjithnjë i trazuar. Kur u ndesha për herë të parë me emrin e Gjergj Fishtës ideja e parë që më erdhi në mendje ishte ajo e një heroi legjendash pasi ky emër më bënte shoqëri me Gjergjat e tjerë, të heroit kombëtar, apo atij që vrau bajlozin e zi. Duke lexua...	shkrimtaret shqiptare Autori: zhulia · Lloji: Pershkrim · Tema: shkrimtaret dritËro agolli Dritëro Agolli ishte poet, shkrimtar, politikan shqiptar dhe ish-president i Lidhjes Shqiptare të Shkrimtarëve dhe Artistëve. Ai studioi në Leningrad në Bashkimin Sovjetik dhe shkroi kryesisht poezi, por edhe tregime të shkurtra...
28 Nëntori 1912 Autori: Fejz Demiri · Lloji: Ese argumentuese · Tema: kombëtare 28 Nëntori 1912 Shpallja e Pavarësis së Shqipërisë është një nga ngjarjet më të rëndësishme në historinë tonë kombëtare. "Flamuri përmbledh kujtimet e shkuara të një kombi dhe një gjuhe të pashkruar që mund ta...	KONTRIBUTI I IDRIZ SEFERI Autori: SUEJD SEJRANI · Lloji: Tekst informativ · Tema: IDRIZ SEFERI Idriz Seferi lindi në një familje muslimane në fshatin Sefer (në Preshevën e sotme, në jug të Serbisë), në veri të vargmalit të njohur si Mali i Zi i Shkupit (Tur. Karadağ, Alb. Mali i Zi i Shkupit, Ser. Skopska Crna Gora),në atë kohë pjes�...
Mesuesi Autori: Brikena · Lloji: Ese vleresuese · Tema: Mesuesi njeriu me i shtenjte pas familjes Një mësues është dhuratë e çmuar nga Perëndia për ne. Një mësues është si një Perëndi që Perëndia është ndërtues i tërë gjithësisë megjithatë një mësues është konsideruar të jetë ndërtues i një kombi të mirë. Mësuesit ja...	Liria e fjalës së pakicave kombëtare Autori: Artan Alla · Lloji: Ese argumentuese · Tema: Pakicat kombëtare sot Sot në shoqërinë civile Shqipëtare kemi një liri fjale te cunguar sepse në shoqërinë tonë nuk ka gjithëpërfshirie të të gjithë pakicave etnike . Pakicat etnike jane pjesa më e diskriminuar dhe diferencuar nga shoqëria civile shqipëtare ....
Dilema e se ardhmes Autori: Ildi Alla · Lloji: Ese argumentuese · Tema: te rrime apo te ikim Nje popull i ditur di si ta zhvilloje vendin e tij. Ai mund te punoje edhe jashte vendit te tij si nje blete punetore ,por nektarin e dergon ne atdheun e tij .Kjo perben progres per shoqerine. Dilema që qëndron sot mes të rinjve: të rrimë apo të i...	jeta e njerezve ne lashtesi Autori: Roneta · Lloji: Tekst pershkrues · Tema: jeta Paleoliti i lartë është përfaqësuar shumë më gjerë. Vegla pune të kësaj periudhe janë zbuluar me shumicë në sipërfaqen e stacionit të Xarës (Xara II), në shpellën e Shën Marinës në Bogas të Sarandës, në shpellën e Konispolit, në ...
Dritero agolli Ismail kadare Autori: me · Lloji: Ese e krahasim-kontrastit · Tema: Pershkri 2 autoresh Të dy kanë mbi kurriz koleksionin e dekoratave për letërsinë që krijuan dhe njëkohësisht, thesin e rëndë të mediokriteteve politike, që i mbuluan me figura letrare. Të dy janë gjigandë të kulturës dhe njëkohësisht, përgjegjës për zbu...	nje zile Autori: xxxx · Lloji: Ese argumentuese · Tema: celularet Askush nuk do ta dëshironte atë moment, kur një zile celulari, krejt papritur, përveç se të jep atë ndjesinë e një alarmi, të prish edhe rrjedhën e mendimi a përjetimi. Kjo është gjendja nga e cila askush nuk mund të shpëtojë dot. Ndërsa...
ShQiPeRiA Autori: Elidona Duraku · Lloji: Ese shpjeguese · Tema: Bukuria e fshehur Të kaluar dhe të pranishëm, antik dhe modern, të rinj dhe të vjetër, musliman dhe të krishterë, të pasur dhe të varfër, veri dhe jug, urban dhe rural, monarkist dhe socialist: ekstremet e shoqërisë shqiptare janë të gjalla, tensionet janë ...	Kujtime mbi Vincense Prenushin Autori: Arshi Pipa · Lloji: Rrefenja · Tema: letersia KUJTIME MBI VINÇENC PRENNUSHIN Mbrapa burgut të Durrësit, brenda telave asht një ndërtesë përdhese. Shërben njikohësisht si mensë dhe si shkollë, aty policët marrin ushqimm e përditshëm, aty marrin edhe mësimet e partisë. Këtë herë s...

Komentet e fundit!

---

---

---

---

---

Shto komentin tend per vepren e mesiperme!

Last name

Emri:

Email:

Komenti:

Pyetje sigurie

Sa eshte shuma e ketyre dy numrave: 1 + 2 =